Monday, October 19, 2015

दशैं हो कि दशा ?

नानीमैया विष्ट

                              

हेटौडा । भूकम्पले आक्रान्त पीडितहरु अस्थाई टहरा र त्रिपालमुनी बसेर सोध्दैछन्, हाम्रो निम्ति यो दशै हो कि दशा ? त्यतिमात्र कहाँ हो र भूकम्पबाट बाचियो अब जसो तसो दशै त मान्नुपर्छ भनेर अलि अलि जोहो गरेका सर्वसाधरणलाई पनि भारतको नाकाबन्दीले आफूलाई चाँहिएको सामनको अभाव र महँगीले यो दशै साँच्चै नै दशैं होइन दशा नै हो भन्ने ठानेका छन् । भारतले गरेको अघोषित नाकाबन्दीले अरु स्थान जस्तै हेटौडालाई पनि निक्कै प्रभाव पारेको छ । नाकाबन्दीको कारण डिजल, पेट्रोल, मटितेल, एल.पि. ग्यास सँगै अन्य उपभोग्य वस्तुहरुको आयात हुन नसक्दा बजारमा अभाव बढ्दैछ भने त्योसँगै कालोबजारी समेत बढेकोछ । 
उपभोक्ताहरुले बताएअनुसार अत्यावश्यक खाद्यन्नहरुसमेतमा महँगी बढाएर विक्री भइरहेको त्यो पनि भनेजति नपाइरहेको अवस्था छ। दशैलाई आवश्यकपर्ने खाद्यन्नमा समेत मूल्य बृद्धि गरिएको छ। सिमित सामन भेटिने भएकोले व्यवसायीले भनेको जति मूल्य तिर्न आफूहरु बाध्य भएको उपभोक्ता सर्मिला रानाभाट बताउछिन्। यातायातको साधनहरुमा पनि त्यस्तै भाडाबृद्धि गरिएको अवस्था छ। जसरी पनि आफूहरुलाई गन्तव्यमा पुग्नुपर्ने बाध्यता छ जति भने उति तिर्न बाध्य भएको कोपिला शिवाकोटी बताउछिन्। त्यस्तै तरकारी किसानको बारीमा कुहिएर खेर गइरहेको छ बजारसम्म ल्याउने यातायातको साधन छैन यता उपभोक्ताहरु महँगो मूल्य तिर्न बाध्य छन् भन्छन नामटारका शिव बर्तौला। 
त्यसैगरी मकवानपुर होटल एशोसियसनले पत्रकार सम्मेलन गरेर आफूसँग आबद्ध होटलहरु मध्ये एकसय भन्दा बढी बन्द भइसकेको जानकारी दिएको छ। ग्यासको अभावले होटलहरु बन्द गर्न बाध्य भएका छन् । दाउरा ल्याउन समेत डिजेल नहुँदा समस्या परेको होटल व्यवसायीहरुको गुनासो छ। न्यु स्वीट एण्ड चार्ट हाउसका संचालक उमाप्रसाद रौनियारको अनुसार यहि अवस्था रहिरहे आफूले नि बन्द गर्नुपर्ने अवस्था आउने बताउछन्। दुईहप्ता भन्दा बढी भयो ग्यास सकिएको अहिलेसम्म दाउरामा पकाइरहेको उनले दाउरामा पकाउदा जनशक्ति बढी लाग्ने र ढिला हुने भएकोले समस्या रहेको बताए । दाउरा आफू नौ रुपैया किलोबाट किन्न थालेको अहिले बढिसकेको भन्दै छिटो भन्दा छिटो नाकाबन्दी खुलाउन सम्बन्धित निकायले पहल गर्नुपर्ने बताउछन्। त्यस्तै यस वर्ष हेटौडामा सरकार र सहकारीले सुपथ मूल्यका पसलहरु खोलेका छैनन्। जसले गर्दा व्यवसायीहरुको एकलौटी मनोमानी रहेको उपभोक्ताको गुनासो छ । यस्तो जटिल परिस्थिति स्थानीय प्रशासनले बजार अनुगमन गर्दै कालोबजारी र महँगीलाई नियन्त्रण गर्न चनाखो हुनुपर्दछ । यतातिर निकायको ध्यान जाओस् ।  

Wednesday, October 14, 2015


नेपालका चर्चित लेखक मोदनाथ प्रश्रितले नेपाली साहित्य, राजनीति र पत्रकारितामा प्रगतिशील जग हाल्ने श्यामप्रसाद शर्माको बारेमा के लेख्नुभएछ ? प्रस्तुत गरिएको छ:-

श्यामप्रसाद शर्माः सम्झनाका केही झझल्का 

श्यामप्रसाद जस्ता चर्चित साहित्यकारको नाम मैले २०५१ को मङ्सिरमा बनारस पुगेर मात्र सुनें। साहित्यसञ्चार कमजोर भएका पहाडी गाउँको समस्या यस्तै हुन्छ। अर्घाखाँची, खिदिमको महाविद्यालयस्तरको संस्कृत पाठशाला थियो। दधिराम मरासिनीजस्ता मूर्धन्य कवि पनि त्यहाँ हुनुहुन्थ्यो। तर, राजधानी, पोखरा, तानसेन विराटनगरजस्ता साहित्यिक गतिविधिका केन्द्रसँग खिदिमको साहित्यिक सम्पर्क थिएन। त्यसैले प्रगतिशील लेखक सङ्घका संस्थापक अध्यक्षको नाम समेत त्यहाँ पुग्न निकै वर्ष लागेछ। 
वनारस भने २००७ भन्दा अघिदेखि नै नेपाली साहित्यको जागरणकेन्द्र बनेको थियो। त्यसैले अध्ययनको सिलसिलामा वनारस पुगेर नै मैले अनेकौ साहित्यकार र तिनका उल्लेख्य रचनाबारे सुन्ने चिन्ने, पढ्ने मेसो पाउन थालेको हुँ।त्यहाँका पत्रपत्रिकामा श्यामप्रदाजीका केही रचना पढ्ने मौका पाएको थिएँ। 
२०२२ सालमा नेपाल साहित्य संस्थानले चितवनको रामपुरमा देशव्यापी साहित्य सेमिनारको आयोजना गरेको थियो। त्यसबेला म रुपन्देहीमा साप्ताहिक लुम्बिनी सन्देश र तीनमहिने साहित्यिक गुराँसको सम्पादक थिएँ। त्यसै नाताले लुम्बिनीको प्रतिनिधि मण्डलमा सामेल भई सेमिनारमा पुगेको थिएँ। त्यसै नाताले लुम्बिनीको प्रतिनिधि मण्डलका सामेल भई सेमिनारमा पुगेको थिएँ। तर, त्यहाँ थुप्रै साहित्यकारस्ँग एकैचोटि चिनापर्ची गर्ने महत्वपूर्ण अवसर पाएको थिएँ मैले। तर त्यहाँ श्यामप्रसाद भने जानुभएको रहेनछ। उहाँलाई त्यहाँ भेट्न पाउने आशा अुरै रह्यो। तर, श्यामप्रसादकी तात्कालीन श्रीमती शशिकलासँग भेट भयो र श्यामजीका बारेमा केही कुरा बुझ्ने मौका पाएँ। 
श्यामप्रसादजी        राजनीतिमा पनि सक्रिय हुनुहुन्छ भन्ने कुरा मलाई थाहा थिएन। २०२४ सालमा उहाँ भूमिगत भएपछिका वर्षहरुमा उहाँको       राजनीतिक भूमिकाबारे बल्ल थाहा हुँदै गयो। २०२८ मा पनि जब राजनीतिक कारणले प्रवास निर्वासमा पुगेँ, प्रसङ्गबस बनारसलगायत कुनै ठाउँमा उहाँलार्य भेट्न सकिन्छ कि भन्ने झिनो आशा थियो, तर त्यस्तो सन्जोग जुरेन। 
२०३५ मा हामीले नेकपा (माले) को स्थापना ग¥यौं। त्यसपछि, नेपालको विभाजित कम्युनिष्ट आन्दोलनलाई एकताबद्ध पार्ने अधिकतम प्रयत्नमा हामी लाग्यौं। त्यसको परिणामस्वरुप डेढदर्जन जति सानाठूला कम्युनिष्ट समूह जुट्दै गएर नेकपा (एकीकृत माक्र्सवादी–लेनिनवादी) बन्न सम्भव भयो। त्यसै सन्दर्भमा २०४५ सालमा बल्ल श्यामप्रसादजीसँग मेरो भेट हुनसक्यो। श्यामजीको अगुवाइमा अलि पहिलेदेखि नेपाल कम्युनिष्ट सङ्गठन सञ्चालित थियो। तर, नेपालको कम्युनिष्ट आन्दोलनले थप विभाजनको पीडा भोग्नु    नपरोस् भनेर त्यो संङ्गठनको नाम प्रचारमा नल्याई एक प्रकारले वैचारिक मित्रसमूहको रुपमा संचालन गर्नुभएको रहेछ। त्यस कारणले उहाँको समूहलाई अति गोप्यवादी सङ्गन पनि भन्न थालियो। 
हाम्रो पार्टीले त्यस सङ्गठनसँग एकताको निम्ति कुराकानी चलाउने जिम्मा मलाई दियो। त्यसै सन्दर्भमा २०४५ सालमा बल्ला कीर्तिपुरको एउटा घरमा श्यामप्रसादजीसँग मेरो पहिलो भेट भयो। सानो गाँठीको, चिटिक्कको शरीर, ज्यादै फराकिलो र हँसिलो उहाँको स्वभावले गर्दा राम्रोसित घुलमिल भई कुरा गर्न मलाई पाँच मिनेटभन्दा बढी समय लागेन। चिनापर्ची र विगत अनुभवहरुको आदानप्रदानपछि मैले पार्टी एकताका सम्बन्धमा कुरा चलाएँ। निकैबेर छलफल गर्ने क्रममा मैले के कुरा बुझेँ भने अरु नेताहरुले जस्तो मूल सङ्गठनबाट विभाजित भएर सैद्धान्तिक मतभेद जनाएर या गुटगत भावनाले उहाँहरुले त्यो सङ्गठन बनाउनुभएको रहेनछ। कम्युनिष्ट आन्दोलनमा गुट र फुट बढ्दै गएपछि थप गुटगत ावना बढ्न नपाओस् र सकेसम्म त्यस प्रवृत्तिलाई रोक्न सकियोस् भन्ने उदेश्यले विचार मल्ने साथीहरुको समूहको रुपमा त्यो संङ्गठन बनाइएको रहेछ । हाम्रो एकताको प्रस्तावपछि उहाँले त्यसबारे साथीहरुसँग छलफल गरी फेरि भेटघाट गर्ने वचन दिनुभयो। 
त्यसपछि, समय–समयमा गोप्यरुपमा हाम्रो भेटघाट हुँदैरह्यो। ती भेटघाटमा राजनीति, साहित्य र सामाजिक क्षेका विविध विषयबारे छलफल गर्दैगयौ। उहाँले आफ्ना केही कृति मलाई दिनुभयो र मैले पनि दिएँ। त्यसै क्रममा २०४६ को संयुक्त जनआन्दोलन सफल भयो र सबैजसो पार्टी खुला मैदानमा उत्रे। तर, मोहनविक्रम र श्यामप्रसादले आ–आफ्ना सङ्गठनलाई खुला गर्नुभएन। 
त्यसपछि, फेरि सङ्गठनात्मक एकताको कुरा हामीले उहाँसँग उठाउदै रह्यौ। अन्तमा उहाँले भन्नुभयो–“हाम्रो नेपाल कम्युनिष्ट सङ्गठन औपचारिक पार्टीको रुपमा सञ्चालित नभएको र चुनावी प्रतिस्पर्धामा पनि नउत्रने भएकाले एमाले लगायत कुनै पनि कम्युनिष्ट पार्टीसँग यसको औपचारिक एकता गर्नु आवश्यक नभएको ठहर हामीले गरेका छौैं। अहिलेको परिवर्तित परिस्थितिमा हाम्रो संगठनमा रहेका कमरेडहरु आफ्नो विवेकअनुसार कुनै पनि वाम पार्टीरुमा सामेल भएर काम गर्नुसक्नुहुन्छ । नेकपा(एमाले) सँग हाम्रो विचारमा निकै सामीप्य भएकाले यसमा सहभागी भएर काम गरेमा देशको वाम आन्दोलनलाई धेरै फाइदा पुग्नेछ भन्ने कुरा सबै साथीहरुालई भनेका छौ। तर साथीहरुले अब कुन पार्टी रोज्ने भन्नेबारे उहाँहरुकै खुसीमा हामीले छाडिदिएका छौं।” त्यसपछि श्यामप्रसाद शर्मा अरु कुनै पार्टीसँग मिलेर वा कुनैमा समावेश भएर काम नगरी साहित्यिक काम र सङ्गठनमा बढी क्रियाशील हुनुभएको छ। अहिले उहाँ र हामी प्रगतिशील जनवादी साहित्यिक सांस्कृतिक फाँटमा एकताबद्ध भएर अघिबढिरहेका छौ।
(कणस्थली, २०६२÷०२÷३१) (नागार्जुन, साहित्यिक त्रैमासिक)

Friday, September 18, 2015

भूकम्पपछि छिमेकीको गोठमा बास 

भैसे । भैसे गाविस वडा न. २ (कालिटार)को ढड्डाघारी मा बसोबास गर्दै आउनुभएकी विना राना उमेर ६३ वर्ष पुग्नुभयो। ९ वर्षमा विवाह भएर एकडेढ वर्षको घरजमपछि माइती आएर बस्नुभयो। २०२९ सालमा बुबाको मृत्युपछि अहिले ९१ वर्षको आमा र ५० बर्षको बहिनीलाई साथ लिएर बाँचिरहनुभएको छ । आफ्नो ५ जना हुनेखाने दाजुभाइ भएपनि आफूहरु ज्याला मजदुरी गरेर छाक टारिरहेको गुनासो उहाँ गर्नुहुन्छ । अलि अलि खेतीपाती भएपनि खेती लगाउन सक्ने मान्छे कोही नहुदा उपचार समेत गर्न नसक्ने अवस्थामा पुगेको उहाँ बताउनुहुन्छ ।
बैशाख १२ गते गएको भूकम्पले आफ्नो ८४ वर्ष पुरानो घर चिरा पारेको कारण बस्न नमिल्ने भएपछि छिमेकीको गोठलाई त्रिपालले बारेर बसिरहनुभएको छ । “छिमेकीले रक्सी खाएको निहुँले दिनहुँ निस्केर जा भन्ने गरेको छ, तर कहाँ जानु ।” उहाँले दुखेसो गर्नुभयो।
राहतको नाममा एउटा त्रिपाल पाएको बताउने रानाले २ दिन मजदुरी गर्न गयो भने ३ दिनलाई पु¥याएर खानुपर्ने बाध्यता रहेको बताउनुभयो। आफूले दाजुभाईले दिन नमान्दा–नमान्दै पनि ३ रोपनी जग्गा अंशको रुपमा  लिएको उहाँले त्यो जग्गा पनि सहकारीमा धितो राखेर ऋण लिनुभएको छ। हेटौडा–२मा रहेको पाञ्चायन बचत तथा ऋण सहकारी संस्थाबाट १ लाख ५० हजार ऋण लिँदा धितो राखेको १ वर्ष नाघिसकेको र अहिलेसम्म त्यसको व्याजसम्म पनि तिर्न नसक्दा आफूलाई पीर लागेको उहाँ बताउनुहुन्छ । बुढी आमाको उपचार खानेलाउने कुरामा समेत सहयोग नगर्ने छोराहरु करोडपति भएपनि के काम भन्दै आक्रोस पोख्नुहुन्छ विना रानाकी साथी भैसे–७ कि माइलीमाया लामा । उमेर ढल्किसकेका एक आमा र दुईछोरी कतिन्जेल ज्याला मजदुरी गरेर जीवन जिउने हुन थाहा छैन ।

सुकुम्बासी बस्तीमा फुल्दै सहकारी
मनहरी। विभिन्न कालखण्डमा मकवानपुरको उत्तरपश्चिम गा.वि.स.हरुबाट बाढीपीडित तथा विभिन्न कारणले आएर मनहरी–३ रमनटारमा नयाँ बस्ती शुरु गरेका त्यहाँका बासिन्दाहरुले विस्तारै विकासका ढोकाहरु खोल्न थालेका छन्। खानेपानी, विद्यालय, बाटोघाटो, बिजुली लगायत तमाम विकासका आधारहरुलाई उनीहरुले व्यवस्थित गर्दै लगेका छन्। यसैमध्ये स्थानीय केही जागरुक युवाहरुले आर्थिक समस्यालाई केही सहज पार्न खोलिएको सहकारी दिनप्रतिदिन फूल झै फुल्दै गएको पाइएको छ।
शनिवार सोही स्थानमा ‘रमनटार डिपार्ट बचत तथा ऋण सहकारी संस्थाको छैठौं वार्षिक साधारणसभामा सहभागी हुने मौका पाइयो।प्रस्तुत प्रतिवेदनमा उल्लेख भएअनुसार २२१ जना शेयर सदस्य रहेको उक्त सहकारी संस्थामा शेयर पूँजी २ लाख ४९ हजार ८ सय रुपैया रहेको छ। गाउँघरमा ठूला पूँजीको बैंकको सट्टा सहकारीलाई विकास र विस्तार गर्नुपर्ने भन्दै कार्यक्रमका वक्ताहरुले आत्मनिर्भरको निम्ति सहकारी एउटा साहारा बन्ने बताए।
कार्यक्रम संस्थाका अध्यक्ष उमेश मोक्तानको सभाध्यक्षता तथा पूर्व सभासद् कुमारी मोक्तानको प्रमुख आतिथ्यतामा भएको थियो। कार्यक्रममा सहकारीलाई शुभकामना मन्तव्य दिँदै प्रमुख अतिथि मोक्तानले सहकारी आधारभूत जनताको आर्थिक उन्नतीको माध्यम बनिरहेको बताउनुभयो। उहाँले वर्तमान राजनीतिक विषयमा टिप्पणी गर्दै तराईको आन्दोलनबाट मकवानपुरलाई २ नम्बर प्रदेशमा गाभ्न माग भइरहेको र केही पार्टीका नेताहरु त्यसप्रति सकारात्मक बन्दै गएको सन्दर्भमा यस विषयमा मकवानपुरबासी चनाखो हुनुपर्ने औंल्याउनु भयो। कार्यक्रममा अध्यक्ष मोक्तानले सहकारीको वार्षिक प्रगति प्रतिवेदन

प्रगतिशील तीज मनाउन आग्रह
हेटौडा । आउदै गरेको नेपाली महिलाहरुको पर्व तीजको अवसरमा अखिल नेपाल महिला संघ (क्रान्तिकारी) ले शुक्रवार शुभकामना आदनप्रदान गर्दै तीजलाई भड्किलो र प्रतिश्पर्धात्मक ढंगले नमनाउन आग्रह गरेका छन्।
कार्यक्रममा वक्ताहरुले महिला अधिकारका विषयमा बोल्न र महिलाका दुःख, बेदनालाई गीत संगीत तथा भेटघाटबाट बाहिर ल्याउनुपर्ने भन्दै आमाको नामबाट नागरिकता दिने सवालमा समेत आवाज उठाउन अनुरोध गरे। महँगा गरगहना र कपडा किन्ने होडबाजी चलेको भन्दै वक्ताहरुले तीजले सबै महिलाहरुमा भाइचारको विकास गराउन मद्दत पुग्ने समेत बताए।
एनेकपा (माओवादी) का नेता अप्सरा लोप्चनको अध्यक्षतामा भएको कार्याक्रममा अनेमसंघ (क्रान्तिकारी) का केन्द्रीय सदस्य रञ्जना श्रेष्ठको प्रमुख आतिथ्यता रहेको थियो । कार्यक्रममा एनेकपा (माओवादी) मकवानपुरका अध्यक्ष प्रेम बहादुर पुलामी, अनेमसंघ (क्रान्तिकारीका केन्द्रीय सदस्य लक्ष्मी पाख्रिन, सहसचिव प्रकाश पाण्डे, मानबहादुर लामा, प्रमीला पुलामी,अखिल क्रान्तिकारीकी केन्द्रीय सदस्य मीना अर्याल,पत्रकार नानीमैया विष्ट, निर्माण मजदुर संगठनकी विष्णु दराई लगायतले मन्तव्य दिँदै तीजको शुभकामना व्यक्त गरेका थिए । कार्यक्रममा भगवती लम्सालले स्वागत मन्तव्य व्यक्त गर्नुभयो। शुभकामना आदानप्रदान कार्यक्रममा संघीय समाजवादी फोरमकी जिल्ला उपाध्यक्ष कुसुम बानियाँ, अखिल नेपाल शिक्षक संगठनका करुणा थापा लगायतको उपस्थिति रहेको थियो ।
हिन्दु महिलाहरुले मात्र होइन सबैले साझा पर्वको रुपमा समेत मनाउन बोल्ने वक्ताहरुले अनुरोध गरेका थिए। वक्ताहरुले तीजलाई परम्परा जोगाउने हिसाबले मात्र नभई समसामयिक राजनीतिक विषय र महिलाका विषयमा आवाज उठाउनुपर्ने बताएका थिए ।

Monday, August 17, 2015

२ वर्षदेखि मिटर जाँच भएन 

“एकमुष्ट महशुल कसरी तिर्ने ?”–ग्राहक
“यस वर्षदेखि कर्मचारीको व्यवस्था गरेका छौ”–प्राधिकरण

-नानीमैया विष्ट
फापरवारी । मकवानपुरको फापरबारी गाविसको २ न. वडाका जनताले विद्युत सेवा प्राप्त गरेपनि २ वर्षदेखि विद्युत महशुलको निम्ति मिटर जाँच नहुँदा एकैपटक महशुल स्वरुप शुल्क बुझाउनुपर्ने हो कि भन्ने चिन्ता व्यक्त गरेका छन्।
हेटौडा सदरमुकामबाट निकै टाढा रहेको उक्त गाविसको २ न.ं वडा अन्तर्गत लालभित्ते, झुरझुरे, पाचपाण्डव, पलपले भन्ने स्थानमा स्थानीयको घर–घरमा विद्युतीय बत्ती बलिरहेको छ, तर प्रत्येक घरको ४ सय देखि ८ सय युनिट विद्युत खपत भइसक्दा पनि मिटर जाँच गर्न विद्युत प्राधिकरणबाट कर्मचारी नजाँदा एकमुष्ट शुल्क बुझाउनु पर्ने अवस्थाप्रति चिन्ता व्यक्त गरेका हुन्। समयमै कर्मचारी आएर मिटर जाँच गरेर महशुल उठाए स्थानीयबासीलाई एकैपटक आर्थिक भार नपर्ने हुनाले छिटोभन्दा छिटो कर्मचारी पठाउन आग्रह गर्दा समेत मर्मत गर्ने कर्मचारी भएपनि महशुल उठाउने कर्मचारी नभएको आफूले जवाफ पाएको फापरबारी–१, पाँचपाण्डवका जय बहादुर वाइवाले जानकारी दिए। उनले भने–“कि त जनताले पैसा तिर्नैपर्दैन भनेर स्पष्ट पारिदेओस् नत्र तिर्न पर्ने हो भने प्रत्येक घरमा ५ हजार रुपैया भन्दा माथिको रकम किसानले कसरी तिर्न सक्छन् ?” विद्युत प्राधिकरण हेटौडा शाखामा पटक–पटक जानकारी दिँदा समेत कर्मचारी पठाइदिन्छु भन्ने गरेको अर्का स्थानीय शेर बहादुर पाख्रीनलेको भनाई छ।खेतीपाती, मेला, मजदुरी गरेर विहान बेलुका छाक टार्न समेत अप्ठ्यारो परिरहेको कतिपयको परिवारलाई एकमुष्ट ठूलो रकम विद्युत प्राधिकरणलाई बुझाउन निक्कै गाह्रो पर्ने फापरवारी–१ का विष्णु बहादुर माझीको भनाई छ। 
स्थानीयहरुको आग्रह अनुसार विद्युत प्राधिकरण हेटौडा–१० स्थित कार्यालयका ‘मिटर रिडिङ फाँटका प्रमुख जिवनाथ चौलागाईलाई सम्पर्क गरी बुझ्दा यो वर्षदेखि एक जना कर्मचारी राखिएको र काम शुरु समेत भइसकेको जानकारी दिए। विद्युतको मिटर पूर्ण संख्यामा नभई आंशिक रुपमा गएको र लामो दुरीको ग्रामीण क्षेत्र भएको कारण हेटौडाबाट कर्मचारी जान सक्ने स्थिति नभएको समेत बताए।उनले भने–“मकवानपुरमा ४२ हजार भन्दा बढी विद्युत उपयोग गर्ने ग्राहक भएपनि ‘मिटर रिडिङ गर्ने कर्मचारी १५÷१६ जना मात्र   भएकोले उनीहरुलाई भ्याईनभ्याई हुने गरेको छ।”
“यस वर्षदेखि उक्त क्षेत्रका ग्राहकलाई सजिलो हुनेगरी एक जना कर्मचारीको व्यवस्था गरेका छौ।”–उनले भने। त्यहाँका ग्राहकहरुलाई मार्का नपरोस भन्ने उदेश्यले एकमुष्ट नभई किस्ताको हिसावले महशुल बुझाउने व्यवस्था समेत गरेकोले नआत्तिन समेत प्रमुख चौलागाईले अनुरोध गरे।

संविधानको मस्यौदाको विरोधमा हेटौडामा नेकपा–माओवादी,मधेशी मोर्चा, संघीय समाजवादी फोरम, जनमुक्ति पार्टीले साउन ३१ र ३२ गते आह्वान गरेको बन्दको कार्यक्रम

नामटारका पीडित स्थानान्तरणको तयारीमा 
हेटौंडा । भुकम्पका कारण बस्ती जोखिममा परेको मकवानपुरको नामटार १ र ३ का भुकम्पपीडित सीमभञ्ज्याङको मैत्रीबगैंचामा बस्ने तयारी गरिरहेका छन्। सरकारले सुरक्षित स्थानको बन्दोबस्त नगरेको कारण स्थानीयले आफू सुरक्षित स्थान खोजी गरी स्थानान्तरण हुने तयारीमा रहेका हुन्। नामटारको बतासे, दुम्सीडाँडा, निम्तीथुङ, कटुसघारी, बसीफाँटका भुकम्पपीडित सीमभञ्ज्याङको गोलमोड–फापरबारी सडकको दाँयाबाँया अस्थायी टहरा निर्माण गरेर बस्न थालेका छन्। उनीहरुले निर्माण गरेको अस्थायी टहरामा  अन्तर्राष्ट्रिय गैरसरकारी संस्था युनिसेफले धारा र सौचालय निर्माण गरिदिएको छ।
गोलमोड–फापरबारी सडक छेउमा ६० घर स्थानान्तरण भएको स्थानीय सीताराम मोक्तानले बताए। ६० घरका लागि युनिसेफले ६ हजार लिटरको अस्थायी पानीट्यांकी निर्माण गरी चारवटा धारा व्यवस्था गरेको छ। ६० परिवारका लागि १३ वटा स्थायी र ११ वटा अस्थायी प्रकृतिका सौचालय निर्माण गरेको मोक्तानले बताए। पोलिथिनको पानीट्यांकीमा जम्मा गरेको खानेपानी उपलब्ध गराएपछि भुकम्पपीडितले सहज रुपमा पानी खान पाएको युनिसेफका भिष्म खत्रीले बताए।
त्यस्तै झिरघारी, मान्द्रे, टोड्केका भुकम्पपीडित मैत्रीबगैंचामा स्थानान्तरण हुने तयारीमा लागेका हुन्। तत्कालीन सांसद हिरण्यलाल श्रेष्ठले सुनगाभाको अध्ययन केन्द्रका रुपमा विकास गर्नका लागि स्थापना गरेको मैत्रीबगैंचामा एक सय परिवार सजिलै बसोबास गर्न सक्ने भएकोले स्थानीयले पहल गरिरहेका हुन्। झिरघारी सामुदायिक बन उपभोक्ता समूहले मैत्रीबगैंचाको लागि छुट्याएको ७० हेक्टर जमिनमा तीनवटा सेड निर्माण गरिएको थियो। नामटार गाविस र दामन गाविसबीच सीमा बिबादका कारण अलपत्र परेको मैत्रीबगैंचा सबै दृष्ट्रिकोणबाट सुरक्षित रहेको स्थानीयले बताएका छन्।मैत्रीबगैंचामा खानेपानीको पहुँच पुगेको छैन बाँकी सबै कुराले सुबिधा  रहेको स्थानीयले बताएका छन्। मैत्रीबगैंचा परिसरमा सन १९९८ मा अन्तराष्ट्रिय मावअधिकार बर्षको अवसरमा नेपालकै पहिलो मानवअधिकार स्तम्भ निर्माण गरिएको थियो।संरक्षणको अभावमा जंगलको बीचमा रहेको मानवअधिकार स्तम्भ अलपत्र परेको छ।मानवअधिकारका ३१ धारा समेटिएको शिलालेखसहितको स्तम्भ गोठालो जाने केटाकेटीले ढुँगाले हिर्काएर क्षति पु¥याएका छन्। मैत्रीबगैंचा आसपासमा एक सय घरपरिबार बस्न सकिने भएकोले नामटार १ र ३ का भुकम्पपीडितले स्थानान्तरण हुने तयारी गरेका हुन्।
दुृग्ध विकास संस्थानमा 
८० करोडको दुध र मख्खन मौज्दात
हेटौंडा। दूग्ध विकास संस्थानले ८० करोड रुपैयाँको धुलो दूध र मख्खन मौज्दात रहेका कारण किसानको दूध खरिद गर्दा बैंकसँग ऋण लिएर भुक्तानी दिनुपर्ने अवस्था आएको जानकारी दिएकोछ। धुलो दूध स्टक रहेका कारण यो बर्ष किसानले उत्पादन      गरेको दूध भारतको पटना डेरीलाई बिक्री गर्ने तयारी समेत भएको जनाएको छ। सुख्खा मौसममा बिक्री गर्न उत्पादन गरेको धुलो दूध आठ सय मेट्रिकटन मौज्दात रहेको छ।
त्यस्तै करिब ६ सय मेट्रिकटन मख्खन मौज्दात रहेका कारण संस्थानले किसानसँग खरिद गरेको दूधको भुक्तानी दिनका लागि ऋण लिनु पर्ने अवस्थामा पुगेको छ।मिल्क होलिडे नगर्ने हो भने पटना डेरीलाई दूध बिक्री गर्नुको बिकल्प नभएको हेटौंडा दूग्ध बितरण आयोजनाका प्रमुख सरोज सिंखडाले बताए। किसानसँग खरिद गरेको दूध भारतलाई बिक्री गर्दा प्रतिलिटर ६ रुपैयाँ नेपाल सरकारसँग अनुदान लिनु पर्ने अवस्था रहेको सिंखडाले बताए। नेपाली बजारमा भन्दा भारतीय बजारमा दूधको मूल्य कम भएका कारण सरकारले अनुदान नदिएको खण्डमा आयोजनाले घाटा सहेर किसानको दूध खरिद गर्ने अवस्था नरहेको सिंखडाको भनाई छ। वैशाख १२ गतेको विनाशकारी भूकम्प पछि काठमाडौंका अस्थायी बासिन्दा उपत्यका बाहिरिएपछि दूध खपतमा कमी आएर सुख्खा मौसममा धुलो दूध खपत हुन सकेन। भुकम्पको असर दुग्ध वितरण आयोजना हेटौंडालाई पनि परेको आयोजना प्रमुख सिंखडाले बताए। आयोजनाले सुख्खा मौसममा बिक्री गर्न तयार पारेको ८० करोड बराबरको पाउडर दूध र मख्खन भूकम्पका कारण बिक्री नहुँदा समस्यामा परेको आयोजना प्रमुख सिंखडाले बताए। आयोजनाले उत्पादन गरेको ८ सय मेट्रिकटन पाउडर दूध र ६ मेट्रिकटन मख्खन स्टक रहेको सिंखडाले बताए। जसले गर्दा आयोजनाको ८० करोड रुपैयाँ पूँजी गतिशील हुन नपाएको हो।किसानसँग खरिद गरेको दूधको रकम भुक्तानी दिनका लागि आयोजनाले २ करोड रुपैयाँ ऋण लिनु परेको आयोजना प्रमुख सिम्खडाले बताए। अन्तर्राष्ट्रिय बजारमा पाउडर दूधको मूल्य घटेका कारण नेपालका निजी डेरीले दूध खरिद नगर्दा अहिले सरकारी स्वामित्वको आयोजनामा किसानको दूध खरिद गर्ने चाप बढेको छ। अघिल्लो वर्ष ६ सय रुपैयाँ प्रतिकेजी मूल्य पर्ने पाउडर दूध यसवर्ष ३ सय रुपैयाँ भन्दा कममा आएकोले निजी उद्योगले पाउडर प्रयोग गर्न थालेको आयोजना प्रमुख सिंखडाले बताए। निजी डेरीले पाउडर प्रयोग गरी दूध बिक्री गर्न थालेपछि आयोजनामा दूध खरिदको चाप भएको सिम्खडाले जनाए। 
मकवानपुर र मध्य तराईका जिल्लाबाट दूध संकलन गरी आयोजनाले काठमाडौं र पोखरामा दूध बिक्री गर्दै आएको छ। भूकम्पपछि काठमाडौंमा दूध बिक्रीमा ५० प्रतिशत कमी आएपछि आयोजनाको पाउडर खपत हुन नसकेको हो। चैतदेखि साउनसम्म सुख्खा समयमा पाउडर खपत हुने गरेको थियो तर, यो मौसममा पनि दूध संकलन पर्याप्त भएपछि आयोजनाले उत्पादन गरेको धुलो दूध स्टक रहन गएको आयोजना प्रमुख सिंखडाले बताए। आर्थिक बर्ष २०७१÷७२ मा आयोजनाले किसानसँग ८८ लाख लिटर दूध खरिद गरेको छ। जबकि त्यो भन्दा अघिल्लो आव २०७०÷७१ मा ७८ लाख लिटर मात्र खरिद गरेको आयोजना प्रमुख सिंखडाले बताए।
दलित समुदायको माग
हेटौंडा। संयुक्त राजनीतिक दलित संघर्ष समिति मकवानपुरको आयोजनामा शुक्रबार हेटौंडामा मोटरसाइकल ¥याली सम्पन्न भएको छ।मकवानपुर उद्योग वाणिज्य संघ चोकबाट सुरु भएको ¥याली बजार क्षेत्र परिक्रमा गरी बुद्धचोकमा पुगेर कोण सभामा परिणत भएको हो।
नयाँ संविधानमा दलित समुदायको अधिकार ग्यारेन्टी गराउनको लागि संयुक्त दलित संघर्ष समितिले देशव्यापी रुपमा सञ्चालन गरिरहेको संघर्षको कार्यक्रम अन्तर्गत मोटरसाईकल ¥याली सम्पन्न भएको हो। संयुक्त दलित संघर्ष समितिले उठाउँदै आएको राज्यको सम्पूर्ण क्षेत्रमा समानुपातिक प्रतिनिधित्वमा क्षतिपूर्ति स्वरुप थप गरी २० प्रतिशत सहभागिता हुनुपर्ने, संविधानसभा–२०६४ ले अनुमोदन गरेका दलित सम्बन्धी व्यवस्था जस्ताको तस्तै नयाँ संविधानमा उल्लेख हुनुपर्ने, धर्म निरपेक्ष     राज्य कायम हुनुपर्ने लगायत ९ बुँदे माग राखी चरणबद्ध आन्दोलन गर्दै आएका छन् । मोटरसाईकल ¥यालीपश्चात भएको कोण सभामा नेपाल राष्ट्रिय दलित मुक्ति मोर्चाका केन्द्रीय सदस्य तथा एकीकृत नेकपा माओवादी मकवानपुरका जिल्ला सदस्य जंगबहादुर विश्वकर्मा, नेपाल उत्पीडित जातीय मुक्ति समाजका केन्द्रीय सदस्य तथा नेकपा एमालेका जिल्ला सदस्य युक्तलाल विश्वकर्मा र नेपाल राष्ट्रिय दलित मुक्ति मोर्चाका जिल्ला अध्यक्ष तथा नेकपा–माओवादीका जिल्ला सदस्य कमला विश्वकर्माले आन्दोलनको औचित्यबारे प्रष्ट पार्नुभएको थियो।
उक्त मोटरसाईकल ¥यालीमा नेपाल उत्पीडित जातीय मुक्ति समाजका केन्द्रीय सदस्य, नारायणी अञ्चल इञ्चार्ज तथा नेकपा एमालेका मकवानपुरका जिल्ला सदस्य गणेश रसाईली, नेपाल राष्ट्रिय दलित मुक्ति मोर्चाका केन्द्रीय सदस्य रामकृष्ण देउला, नेपाल दलित संघका केन्द्रीय सदस्यद्वय गोपीलाल विश्वकर्मा र पवित्रा विश्वकर्मा लगायतको उपस्थिति रहेको थियो । नेपाल दलित संघका जिल्ला अध्यक्ष मिलन परियारले आन्दोलनमा सहभागी सबैलाइ धन्यवाद ज्ञापन गर्दै कोण सभा समापन गर्नुभयो। 
शैक्षिक संस्था र यातायात ठप्प
हेटौडा। संघीय जनगणतन्त्रात्मक संविधान निर्माणको माग गर्दै हिजो गरिएको नेपाल बन्दले हेटौडाको व्यापारिक, शैक्षिक तथा यातायात लायतका क्षेत्रमा प्रभाव पारेको छ। 
सीमाङ्कनसहित मस्यौदा संविधानको विरोधमा आयोजना गरेको दुईदिने बन्द कार्यक्रम हिजो र आज रहेको नेकपा–माओवादी, मकवानपुरले जानकारी दिएको छ। मुख्यगरी हेटौडामा रहेका शैक्षिक संस्थाहरु विद्यालय तथा क्याम्पस खुलेका थिएनन् भने यातायातका साधन समेत नचल्दा यात्रुहरु र कार्यलय टाढा भएका कर्मचारीहरुले शास्ती खेप्नुपरेको थियो। शनिवार बेलुका नेकपा–माओवादी, मकवानपुर, संघीय समाजवादी फोरम, मकवानपुर र राष्ट्रिय जनमुक्ति पार्टी मकवानपुरले संयुक्त रुपमा मशाल जुलुसको आयोजना गर्दै आइतवार र सोमबारको नेपाल बन्द सफल पार्न आग्रह गरेका थिए। साथै बन्दले यो समाचार तयार पार्दासम्म देशभर प्रभाव पारेको विभिन्न समाचार माध्यमहरुले जनाइरहेका छन्।  

मानव अधिकारका अवस्थाको अनुगमन गरिने
हेटौंडा । राष्ट्रिय मानव अधिकार आयोगद्वारा गठित मानव अधिकार घुुम्ती शिविर मार्फत मकवानपुर जिल्लामा प्राकृतिक प्रकोपपछि मानव अधिकारको अवस्थाबारे अनुगमन हुने भएको छ। अनुगमनका लागि आज सचिवालय टिम, भोलेन्टियर तथा मानव अधिकारको क्षेत्रमा काम गर्ने प्रतिनिधिहरुलाई अभिमुखीकरण दिइएको हो।
मकवानपुरका भुकम्प प्रभावित गाविसहरु तथा नगरपालिकालाई लक्षित गरी अनुगमन हुने आयोजकले जनाएको छ। भुकम्पबाट अति प्रभावित विभिन्न ९ वटा जिल्लाहरुमा मानव अधिकारको अवस्था अनुगमन गर्न सञ्चालित कार्यक्रम अन्तर्गत अभिमुखीकरण कार्यक्रम सम्पन्न भएको हो। अभिमुखीकरण कार्यक्रममा राष्ट्रिय मानव अधिकार आयोगका प्रतिनिधि बासु गुरागाईंले मानव अधिकारको अवधारणा, घुम्ती शिविरको अवधारणा र निर्देशिकाबारे जानकारी दिनुभयो। यस्तै, मानव अधिकार अनुगमन र प्राकृतिक प्रकोपपछिको अवस्थामा मानव अधिकार अनुगमनबारे बुद्धनारायण साहनी र मानव अधिकार हनन्का घटनाहरुको दस्दावेजीकरणका साथै प्रतिवेदन लेखनबारे शतीसराज मैनालीले सहजीकरण गर्नुभयो। मानव अधिकार घुम्ती शिविर सचिवालयका संयोजक कृष्ण धितालको अध्यक्षतामा कार्यक्रम भएको हो।सचिवालयको निर्णय र निर्देशनका आधारमा तोकिएका स्थानहरुको अवलोकन तथा अनुगमन गरी प्रतिवेदन तयार गर्ने कार्यक्रममा जानकारी गराइएको छ।कार्यक्रम सञ्चालनका लागि यसअघि नै गैर सरकारी संस्था महासंघ, नेपाल पत्रकार महासंघ र जिल्ला बार एशोसिएशनको संलग्नतामा ५ सदस्यीय सचिवालय गठन भएको थियो।   

२०३१ साल देखिको समस्या समाधानमा जोड 
हेटौँडा।भौतिक पूर्वाधार तथा यातायात मन्त्रालयबाट हेटौंडाको राजमार्गमा पर्ने सडकको दाया÷बाया २५ मिटर सडक विस्तार सम्बन्धी समस्या समाधान गर्न गठित कार्यदल र सरोकारवालाहरु बीच प्रारम्भिक छलफल कार्यक्रम विहिबार मकवानपुर उद्योग वाणिज्य संघको सभाकक्षमा सम्पन्न भएको छ। पुर्वपश्चिम राजमार्ग र त्रिभुवन राजपथ सडक अन्तर्गत हेटौंडा खण्डको सडक बिस्तारका लागि बाईपास सडकको सम्भाव्यता अध्ययन गर्न आएका सरकारी टोलीलाई हेटौंडाबासीको समस्या समाधानहुने किसिमको निश्कर्ष निकाल्न सरोकारवालाले आग्रह गरेका छन्।
हेटौंडा बसोबास संरक्षण समितीले हेटौंडाबासीको चाहना भनेको निकास रहेको जानकारी गराउँदै निकासका लागि कार्यदललाई के आवश्यक पर्छ सहयोगको लागी तयार रहेको जानकारी दिएको थियो। कार्यक्रममा सहभागीहरुले सडक फराकिलो पार्नका लागि प्राविधिकले कति फरक पार्ने भन्ने कुरा कार्यदलले नेपाल सरकार समक्ष प्रतिवेदन प्रस्तुत गर्नु पर्ने बताए। यो समस्या २०३१÷३२ सालको भएकोले सडक विस्तारमा जति ढिला भयो त्यती नै समस्या उत्पन्न हुने उनले बताए। 

Monday, June 29, 2015

मकवानपुरका ८ गाविसको बस्ती जोखिममा
हेटौंडाः बैशाख १२ र २९ को बिनाशकारी भूकम्पका कारण मकवानपुरको ८ गाविस र थाहा नगरपालिकाको बस्ती जोखिममा रहेको एक अध्ययनले देखाएको छ । मकवानपुरको राक्सिराङ, खैराङ, गोगने, नामटार, टिस्टुङ, बेतिनी, धियाल, फापरबारी र थाहानगरको ९ नम्बर वडाका बस्तीहरु जेखिममा रहेको पाइएको हो । भूसंरषणबिद् र भूगर्भबिद्को टोलीले गरेको स्थलगत अध्ययन अनुसार ८ गाविसका बस्तीहरु बस्नै नहुने अवस्थामा छन् ।
जिल्ला भूसंरक्षण अधिकृत र राष्ट्रपति चुरे तराई मधेश संरक्षण समितिका भूगर्वबिद्ले एक महिना लगाएर गरेको अध्ययनमा ८ गाविसका बस्ती अत्यन्तै जोखिमपूर्ण देखिएको हो । चिराचिरा परेका मकवानपुको ग्रामीण क्षेत्रका धेरै बस्ती तत्काल स्थानान्तरण गर्नुपर्ने अध्ययनले देखाएको छ । भुकम्पपीडितले बस्ती सार्न माग गर्दै आएपनि सरोकारवाला निकायले चासो देखाएको छैन । बस्तीको जोखिमको अवस्थाका बारेमा अध्ययनको काम सकिएको भएपनि प्रतिबेदन बुझाउन बाँकी रहेको टोलीले अन्नपूर्ण पोष्टलाई जानकारी दिएको छ । अध्ययन टोलीले केही दिन भित्रै प्रमुख जिल्ला अधिकारीसमक्ष प्रतिबेदन बुझाउने भएको छ ।
वस्ती जोखिममा रहेकाले टहरो समेत निर्माण नगरी त्रिपालमा बस्दै आएका पीडितलाई वर्षात सुरु हुनुअघि सुरक्षित स्थानमा लैजाने योजना भने बनेको छैन । क्षतिको विवरण संकलन गर्ने टोलीले प्रतिवेदन पेश गरेपछि त्यसको आधारमा बस्ती स्थानान्तरण गर्ने प्रक्रिया अगाडि बढ्ने मकवानपुरका प्रमुख जिल्ला अधिकारी रामप्रसाद थपलियाले बताए । टोलीले सम्वन्धित क्षेत्रका निर्वाचित सभासद्सँग छलफल गरेर जोखिमको बस्तीको पनि अध्ययन गरेको प्रजिअ थपलियाले बताए । जिल्ला दैवीप्रकोप उद्धार समितिमार्फत खटाइएको प्राविधिकको टोलीले प्रतिवेदन बुझाएपछि मात्र बस्ती स्थानान्तरण गर्ने बिषयमा निर्णय हुने बताइएको छ ।
मकवानपुरको क्षेत्र नम्बर ४ का सभासद राजाराम स्याङतानले असार ३ गते गृह मन्त्रालयमा मकवानपुरको कुलेखानी, सिस्नेरी, गोगने, आग्रा, नामटार, सरिखेत, डाँडाखर्क, काँकडा, खैराङका जोखिमयुक्त बस्ती सार्नका लागि पत्राचार गरेको बताए । स्थानीय प्रशासनले बनाएको समितिले केही काम गरिरहेको भएपनि प्रारम्भिक प्रतिबेदनले सबै जोखिमका बस्ती समेट्न नसकेको सभासद स्याङतानले बताए ।
गोगने गाविसको व्यास मावि, आग्रा गाविसको महाकाल प्रावि, कालगणेश प्रावि, सूर्यबाराही प्रावि, पंचकालिका प्रावि पनि तत्काल स्थानान्तरण गर्न सभासद् स्याङतानले गृह मन्त्रालयसमक्ष माग गरेका छन् । मकवानपुरका अधिकांश पहाडी भूभाग भौगोलिक दृष्टिकोणले बाढीपहिरोको उच्च जोखिममा रहेको यस अघि गरिएको अध्ययनले देखाएको छ । बस्तीको जोखिम हेर्दा बर्षा अघि नै स्थानान्तरण गर्नु पर्ने देखिएको टोलीले जानकारी दिएको छ ।
त्यसमा पनि भूकम्पले चिराचिरा पारेपछि योवर्षको बर्षातमा थप क्षति हुने सम्भावना रहेको छ । डाँडाहरु सबै चिरिएका कारण बर्षातमा पहिरो जान सक्छ भन्ने चिन्ताले सताएको स्थानीय पीडितले बताएका छन् । २०५९ सालको बाढीपहिरोबाट ठूलो धनजनको क्षति भएको र त्यसबेलादेखि नै बसोबासको लागि अनुपयुक्त रहेको भन्दै बस्ती स्थानान्तरण गर्न माग स्थानीयले गरेको स्थानीय सुदीप लामाले बताए । बाढीपहिरोको जोखिमले राक्सिराङका करिब ७ सय चेपाङ र तामाङ परिवार प्रभावित छन् । भुगर्भबिद्ले दिएको प्रतिबेदन पछि सर्बपक्षीय छलफल गरेर निर्णयमा पुगिने स्थानीय प्रशासनले बताएको छ ।

विद्यार्थीलाई सम्मान 
हेटौडा । अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) द्वारा यसवर्षको एस.एल.सी. परीक्षामा जिल्ला प्रथम तथा सामुदायिक विद्यालयबाट विशिष्ट श्रेणीमा उत्तीर्ण विद्यार्थीहरुलाई आज सम्मान गरेको छ ।
जिल्ला प्रथम हुन सफल छात्रमा निश्चल भुषाल, पुजन दाहाल र छात्रा तर्फ आरती बडाल र सामुदायिक तर्फबाट मनिष कुमार महत्तोलाई सम्मान गरिएको छ । त्यसैगरी विशिष्ठ श्रेणीमा उत्तीर्ण हुने सहित २१ जनालाई सम्मान पत्र सहित सम्मान गरिएको हो ।संगठनका जिल्ला उपाध्यक्ष शुभलक्ष्मी वि.क.को अध्यक्षतामा भएको कार्यक्रममा संगठनका केन्द्रीय सदस्य मिना अर्याल प्रमुख रहनुभएको थियो । कार्यक्रममा विशिष्ठ अतिथिहरुमा जिल्ला शिक्षा अधिकारी गणेश प्रसाद पौडेल र अतिथिहरुमा ललित घलान, राजेन्द्र भट्राई, तिर्थबहादुर थापा लगायतका रहनुभएको थियो ।

Friday, April 3, 2015

सहकारी दिवसमा ¥याली र सभा, उत्कृष्ठ सहकारी सम्मानित

हेटौडा । “आयात प्रतिस्थापन र सामाजिक न्यायका लागि सहकारी” भन्ने नाराका साथ राष्ट्रिय सहकारी दिवस–२०७१ शुक्रबार हेटौंडामा मनाईएको छ । सप्ताहव्यापी रुपमा मनाईदै आएको सहकारी दिवसको शुक्रबार ¥याली सहित एक कार्यक्रमको आयोजना गरी समापन गरिएको छ । ार्यक्रममा प्रमुख अतिथि प्रमुख जिल्ला अधिकारी राम प्रसाद थपलियाले  सहकारीले सामुहिक भावना बढाउने स्पष्ट पार्नुभयो । उहा“ले अब सहकारीले उत्पादन तर्फ लगानी बढाउनुपर्ने धारणा व्यक्त गर्नुभयो । सहकारी योजना बनाएर काम गरेको खण्डमा जिल्लाको विकासमा सहकारीले ठोस कदम चाल्ने धारणा व्यक्त गर्नुभयो । यस्तै, कार्यक्रमका विशिष्ट अतिथि केन्द्रीय दुग्ध उत्पादक सहकारी संघका अध्यक्ष नारायण प्रसाद देवकोटाले सहकारी क्षेत्रले आयातीत वस्तुलाई प्रतिस्थापन गर्नुपर्ने बताउनुभयो । कार्यक्रममा डिभिजन सहकारी कार्यालय मकवानपुरका प्रमुख भीम परियारले आयात प्रतिस्थापन र सामाजिक न्यायका लागि सहकारी लाग्नु पर्ने धारणा व्यक्त गर्नुभयो । उहा“ले सप्ताहव्यापी रुपमा भएको कार्यक्रमको विषयमा कार्यक्रममा जानकारी दिनुभएको थियो । कार्यक्रममा जिल्ला सहकारी संघका अध्यक्ष बद्री लम्सालले राष्ट्रिय सहकारी दिवसको सन्दर्भमा जिल्लाका कुनै पनि सहकारीले आयातित वस्तु प्रयोग नगर्ने घोषणा गर्नुभयो । उहा“ले सहकारीले नै उत्पादन गरेको र पुनः प्रयोग गर्न सकिने वस्तुको मात्र प्रयोग गर्ने बताउनुभयो । कार्यक्रममा उहा“ले जिल्लामा २ सय ११ वटा बचत सहकारी संस्था, ६० वटा बहुउद्देश्यीय सहकारी संस्था, एकसय ६४ वटा कृषि सहकारी संस्था, ५६ वटा दुग्ध उत्पादक सहकारी संस्था, १५ वटा जडिबुटी सहकारी संस्था र २० वटा विविध सहकारी संस्था गरी जम्मा ५ सय ४४ सहकारी संस्था रहेको जानकारी दिनुभयो । उहा“ले जिल्लाको जम्मा एकलाख ३१ हजार ७ सय सदस्य सहकारीमा आबद्ध भएको बताउनुभयो । उहा“का अनुसार जिल्लामा जम्मा ६३ करोड ७८ हजार सेयर पु“जी रहेको छ । यस्तै, २ अर्ब ७० करोड बचत र २ अर्ब ४० करोड ऋण लगानी रहेको जानकारी दिनुभयो ।
सहकारी दिवसको अवसरमा जिल्लाको ठूलो सहकारी संस्था पालुङ बहुउद्देश्यीय सहकारी संस्था सम्मानित भएको छ । सहकारी संस्थाले उत्कृष्ट काम गरेको भन्दै पालुङ बहुउद्देश्यीय सहकारी संस्थालाई सम्मान गरिएको हो । यस्तै, सहकारी दिवसकै अवसरमा डिभिजन सहकारी कार्यालयमा उत्कृष्ट काम गरेकोमा सहायक सहकारी निरीक्षक सुष्मा गौतमलाई सम्मान गरिएको छ । त्यसैगरी, कार्यक्रममा उत्कृष्ट सहकारीकर्मी महिला तर्फ महिला एकता बचत तथा ऋण सहकारी संस्था भैसेकी सर्मिला महत र पुरुष तर्फ जनजागृती दुग्ध उत्पादक सहकारी संस्थाका इन्द्र बहादुर बस्नेतलाई सम्मान नगद सहित प्रमाणपत्रले सम्मान गरिएको छ । यस्तै, कार्यक्रममा महिला व्यवस्थापक शान्तिमाया वाईबा र पुरुष व्यवस्थापक राजकुमार चौलागाईलाई सम्मान गरिएको छ । कार्यक्रममा सहकारी दिवसको अवसरमा राष्ट्रिय सहकारी संघले जिल्लाको दुईवटा सहकारी महिला जागरण बचत तथा ऋण सहकारी संस्था र जिल्ला दुग्ध उत्पादक सहकारी संघ सम्मानित भएकोमा दुईवटै सहकारीलाई फूलको मालाले सम्मान गरिएको छ । त्यसैगरी, सम्पूर्ण घरधुरीका महिला सहकारीमा आबद्धता गराउन सफल जिल्लाका ४ वटा गाविसलाई पनि प्रमाणपत्र सहित सम्मान गरिएको छ ।

डिभिजन सहकारी कार्यालय मकवानपुरका प्रमुख भीम परियारलाई शुक्रबार जिल्ला सहकारी संघले बिदाई गरेको छ । बिदाई कार्यक्रम जिल्ला सहकारी संघका अध्यक्ष बद्री प्रसाद लम्सालको सभाध्यक्षतामा भएको हो ।
    बिगत ३ वर्षदेखि डिभिजन सहकारी कार्यालयमा प्रमुखको रुपमा कार्यरत परियार कोल्पी नगरपालिकाका कार्यकारी प्रमुखको रुपमा सरुवा हुनु भएको छ । कार्यक्रममा सहभागी अतिथिहरुले अधिकृत परियारको आगामी कार्यकालको सफलताको शुभकामना व्यक्त गरेका थिए । कार्यक्रममा  डिभिजन सहकारी कार्यालयका प्रमुख भीम परियारले सहकारी क्षेत्रमा मकवानपुर जिल्ला अगाडी बढोस् भनेर शुभकामना व्यक्त गर्नुभएको थियो । कार्यक्रममा उहा“ले जिल्लामा सहकारी संस्था धेरै भएको भन्दै एकिकरण गरेर देशकै नमूनाको रुपमा सहकारीलाई लैजान आग्रह गर्नुभयो । मकवानपुरमा बसेर काम गर्दा साथ र सहयोग मिलेको भन्दै उहा“ले आगामी दिनमा पनि सहयोग गर्न सबै सहकारी कर्मीलाई अनुरोध गर्नुभएको थियो । कार्यक्रममा विषयगत सहकारी संघले प्रमुख परियारलाई मायाको चिनो दिएका थिए । कार्यक्रममा केन्द्रीय दुग्ध उत्पादक सहकारी संघका अध्यक्ष नारायण प्रसाद देवकोटा, जिल्ला कृषि सहकारी संघका अध्यक्ष एकराज उप्रेति, जिल्ला बचत तथा ऋण सहकारी संघकी अध्यक्ष राधा सिंतान, राष्ट्रिय सहकारी बैंकका संयोजक विरेन्द्र प्रसाद ढुङ्गाना, ग्रामीण महिला सेवा केन्द्रकी अध्यक्ष सर्मीला श्रेष्ठ, जिल्ला दुग्ध उत्पादक सहकारी संघका अध्यक्ष बासुदेव अधिकारी लगायतले शुभकामना मन्तव्य व्यक्त गरेका थिए ।

महिला केन्द्रित विधायकीमाथि छलफल
हेटौडा । कानून निर्माण प्रक्रियामा युवा तथा महिला केन्द्रित विधायकी १९ औं टाउन हल मिटिङ हेटौंडामा सम्पन्न भएको छ । प्रशासकीय अधिकारीले मुद्दाको कारबाही र किनारा गर्दा अपनाउनुपर्ने कार्यविधि सम्बन्धमा व्यवस्था गर्न बनेको विधेयक–२०७१ माथि छलफलका लागि कार्यक्रमको आयोजना गरिएको हो । छलफलका सहभागीहरुले हातहतियार तथा लामो अवधीसम्म सजाय हुने मुद्दामा प्रशासनले कारबाही प्रक्रिया अघि बढाउँदा झन्झटिलो भएको भन्दै यस्तो व्यवस्था परिवर्तन गर्न सुझाव दिएका थिए । कार्यक्रममा विमन एक्टका धन लामा र अञ्जु केसीले सहजीकरण गर्नुभएको थियो । विमन एक्ट र सामुदायिक सारथीको आयोजनामा सञ्चालन भएको कार्यक्रमलाई महिला कानून विकास मञ्च हेटौंडाले समन्वय गरेको थियो । कार्यक्रममा अधिवक्ताहरु ललिता श्रेष्ठ, अज्मीर केसी, माइती नेपालकी कार्यक्रम संयोजक माया लामा लगायतले विषयवस्तुबारे आफ्नो धारणा राखेका थिए । उनीहरुले छलफलमा उठेका सुझाव सम्बन्धित ठाउँसम्म पुगेमा उपलब्धीमूलक हुने अपेक्षा समेत राखेका थिए । पुनरावेदन बार हेटौंडाकी अध्यक्ष अप्सरा बस्नेतको अध्यक्षतामा सञ्चालन भएको सभामा पुनरावेदन बार हेटौंडाका अध्यक्ष  गोपाल आचार्यको प्रमुख आतिथ्यता रहेको थियो ।
खरिदार तहको लोकसेवा कक्षा सुरु
हेटौडा । महिला लक्षित खरिदार तहको लोकसेवा तयारी कक्षा आजबाट हेटौंडामा सुरु भएको छ । हेटौंडा उपमाहानगरपालिकाको सहयोग तथा विकासका लागि अभियान संस्थाको आयोजनामा तयारी कक्षा उद्घाटन भएको हो । हरेक कार्यमा महिलाको भुमिका कम हुने तथा महिलाहरु पछि परेकाले उनीहरुलाई अग्रज स्थानमा ल्याउन महिलाको लागी मात्र यस कक्षा सञ्चालन गरेको आयोजकले जानकारी दिएको छ । हेटौंडा उपमाहानगरपालिकाको प्रबन्धक भीम तिमल्सिनाको प्रमुख आतिथ्यतामा भएको कार्यक्रममा सस्ंथाका सल्लाहाकार शिवहरी दाहाल र हेटौंडा अस्पताल विकास समितीका अध्यक्ष सुनिल मुक्तानको आतिथ्यता रहेको थियो । केशर अर्यालले दिने प्रशिक्षण कक्षामा ३५ जना महिलाहरुको सहभागिता रहेको छ, भने कक्षा सञ्चालन निशुल्क हुने विकासका लागि अभियानका अध्यक्ष सन्तोष पौडेलले बताउनु भयो ।

तालिम शुरु
सीद्धि विनायक टोल विकास संस्थाले ५ दिने सस्ंथागत लेखा व्यवस्थापन तालिम सञ्चालन गरेको छ । हेटौडा उपमहानगरपालिकाको सहयोगमा आज हेटौडामा तालिमको सञ्चालन तथा उद्घाटन गरीएको हो । हरेक सहकारी संस्थामा लेखा व्यवस्थापनको महत्वपुर्ण भुमीका हुने भएकोले उनीहरुलाई दक्ष बनाउनको लागी तालिम सञ्चालन गरेको आयोजक संस्थाले जानाएको छ । हेटौडा उपमहानगरपालिका सामाजिक विकास महाशाखाका प्रमुख भिमप्रसाद तिमल्सिीनाको प्रमुख आतिथ्यतामा भएको कार्यक्रममा टोल विकास संस्था समन्वय समीतिका प्रतिनिधी चन्द्र शेखर ढुङ्गाना, सिद्धी विनायक टोल विकस संस्थाका सल्लाहकार चण्डिका गौतम, रजनि शर्मा लगायतको उपस्थिति रहेको थियो । तालिममा ३० जना प्रशिक्षार्थीहरुको सहभागीता रहेको थिायो ।

Tuesday, March 24, 2015

महंगी र भ्रष्टाचारको बिरोधमा ३० दलीय मोर्चाको विरोध प्रदर्शन

 एमाले काँग्रेस संविधान बन्न नदिने षड्यन्त्रमा 

हेटौडा । संविधानसभामा दलहरु प्रक्रिया र सहमतिबाट संविधान जारी गर्ने विवादमा अल्झिरहेका बेला हेटौंडामा ३० दलीय मोर्चाले महंगी, महिला हिँसा तथा भ्रष्टाचारको विरोधमा प्रदर्शन गरेको छ ।
मोर्चाले हेटौंडामा विरोध ¥याली गरी कोणसभा गरेको हो । मोर्चाले दोस्रो चरणको विरोधका कार्यक्रम अन्तर्गत प्रदर्शन गरेको जनाएको छ । सहमतिमा संविधान जारी गर्न, महिला हिँसा अन्त्य गर्न, महंगी कालोबजारी बन्द गर्न, भ्रष्टाचार मुक्त समाज सृजना गर्न र लोडसेडिङ मुक्त गर्न मोर्चाले माग गरेको छ।
संगमचोकबाट सुरु भएको ¥याली हेटौंडा बजारको सीमाचोकमा पुगेर कोण सभामा परिणत भएको थियो । सभामा सम्बोधन गर्दै एकीकृत नेकपा माओवादीका केन्द्रीय सदस्य सोनामसिँ स्याङ्तानले काँग्रेस एमाले संविधान निर्माण हुन नदिने षड्यन्त्रमा लागिरहेको आरोप लगाउनुभयो । ३० दलीय गठबन्धनले आधारभूत जनताको भावनालाई आन्दोलनमार्फत सम्बोधन गर्न खोजेको दाबी गर्नुहुँदै उहाँले संघीयताका पक्षमा माहोल बनिरहेको बताउनुभयो । कोण सभालाई संघीय समाजवादी पार्टीका शुभरत्न गोलेले पनि सम्बोधन गर्नुभएको थियो ।
अपाङ्ग बालबालिकाको निम्ति स्वास्थ्य शिविर 

२८० जनाको स्वास्थ्य परीक्षण 

हेटौडा । अपाङ्गता भएका बालबालिकालाई लक्षित गरी जिल्लाको विभिन्न स्थानमा अस्तीबाट सुरु गरिएको स्वास्थ्य शिविरका क्रममा २ सय ८० जनाले सेवा लिएका छन् । अपाङ्ग सरोकार केन्द्रले मकवानपुरको बज्रबाराही, छतिवन र हेटौंडा अस्पतालमा स्वास्थ्य शिविर सञ्चालन गरेको हो । अस्ती आइतबार बज्रबाराहीमा १६ वर्षभन्दा कम उमेरका ७ जना केटा र ६ जना केटीको स्वास्थ्य परीक्षण गरिएको थियो । यस्तै, विभिन्न उमेर समूहका ३५ जना अपाङ्गता भएकाले स्वास्थ्य परीक्षण गराएका थिए । यस्तै, हिजो छतिवनमा भएको स्वास्थ्य शिविरमा ६ जना केटा र ७ जना केटी सहित जम्मा ६५ जनाको स्वास्थ्य परीक्षण गरिएको थियो । आज हेटौंडा अस्पतालमा सञ्चालन भएको स्वास्थ्य परीक्षणमा ३२ जना केटा र ४७ जना केटी सहित ६४ जनाले स्वास्थ्य परीक्षण गराएका अपाङ्ग सरोकार केन्द्र सी आर सी परियोजनाका कार्यक्रम संयोजक दिप न्यौपानेले जानकारी दिनुभयो । शिविरका क्रममा हाडजोर्नी खुम्चीएको, नसासम्बन्धी समस्या र जार्नीहरु दुख्ने, दाँत सम्बन्धी समस्या तथा नाक, कान र घाँटीका समस्या भएका बिरामीको बढी उपस्थिति भएको कार्यक्रम संयोजक न्यौपानेले बताउनुभयो । करिब २ सय ५० जना अपाङ्गता भएकालाई सेवा दिने उद्देश्यका साथ शिविरको आयोजना गरिएको आयोजकले जनाएको थियो । शिविरमा अर्थोपेडिक सर्जन, प्लास्टिक सर्जन, डेन्टल सर्जन लगायतका ४ जना डाक्टरहरुले सेवा दिएका थिए । सन् २०११ देखि सञ्चालन हुँदै आएको कार्यक्रम अन्तर्गत ६ सय ६० जना अपाङ्गता भएका बालबालिकाले सेवा लिँदै आइरहेका छन् । तीन स्थानमा भएका तीनवटा शिविरमा १ सय १० जना बालबालिकालाई सेवा दिएको थियो । ती मध्ये  
 १६ वर्षभन्दा कम उमेरका १७ जनालाई अपरेसनको लागि मिति तोकिएको कार्यक्रम संयोजक न्यौपानेले जानकारी दिनुभयो । शिविरका क्रममा १६ वर्षभन्दा कम उमेरका केटाकेटीहरुमध्ये २१ जनाको सहायक उपकरण नाप जाँच गरी ४ जनाको उपकरण मर्मत समेत गरिएको थियो ।

नेता नेपालको अभिव्यक्तिप्रति युवा संघद्वारा खेद प्रकट

हेटौडा । युवा संघले नेपालले चैत्र ७ र ८ गरी दुई दिन बसेको विस्तारिक बैठकले गरेको ९ बुदे निर्णय तथा १२ बु“दे प्रस्तावना सार्वजनिक गरेको छ । हेटौंडामा पत्रकार सम्मेलन गरी निर्णय तथा प्रस्तावना सार्वजनिक गरिएको हो । बैठकले पूर्वप्रधानमन्त्री माधवकुमार नेपालले दिएको अभिव्यक्ती प्रति खेद प्रकट गर्दै उक्त अभिव्यक्ति प्रति छानविन गरी उचित कार्वाहीको नेकपा एमालेसंग माग गरेको छ । कुनैपनि पनि नाम या बहानामा संविधान निर्माण गर्ने काममा ढिलाई नगरी यथासिघ्र संविधान निर्माण गर्न, राष्ट्रिय एकता, अखण्डता र सामाजिक सद्भावलाई कायम राखी हिमाल पहाड र तराई समेटिएका प्रदेश निर्माण गर्न विस्तारित वैठकले माग गरेको छ ।

विश्व क्षयरोग दिवस
छुटेकालाई उपचारमा ल्याऔ 
हेटौडा । सबै छुटेका क्षयरोगीलाई उपचारमा ल्याई निको पारौं भन्ने मूल नाराका साथ विश्व क्षयरोग दिवस (२४ मार्च) को अवसरमा हेटौंडामा अन्तरक्रिया कार्यक्रम सम्पन्न भएको छ । जिल्ला स्वास्थ्य कार्यालय मकवानपुरको आयोजनामा कार्यक्रम सञ्चालन भएको हो । जिल्ला स्वास्थ्य कार्यालय मकवानपुरका प्रमुख दिपकप्रसाद तिवारीको अध्यक्षतामा सञ्चालन भएको कार्यक्रममा क्षेत्रीय उपपं्रशासक दिलीप पोखरेलको प्रमुख आतिथ्यता रहेको थियो । कार्यक्रममा क्षेत्रीय स्वास्थ्य निर्देशनालयका क्षयकुष्ट अधिकृत विष्णु जैसी, मेडिकल कलेजका प्रमुख रमन झा लगायतको आतिथ्यता रहेको थियो । आर्थिक वर्ष २०६६ देखि २०७०–०७१ सम्म मकवानपुर जिल्लामा क्षयकुष्टको अवस्थाबारे महिला तथा बालबालिका कार्यालयकी अधिकृत प्रतिमा मिश्रले जानकारी दिनुभयो । तथ्याङ्क अनुसार २०६६–०६७ मा ७०७, ०६७–६८ मा ६९३, ६८–६९ मा ६९८ र ०६९–०७० मा ६५२ जनामा क्षयरोगको समस्या भेटिएको थियो । त्यसै गरी ०७०–०७१ मा ७ सय ९५ जनामा क्षयकुष्ट भेटिएको थियो भने चालु आर्थिक वर्षको प्रथम चौमासिक अवधिमा १ सय ६३ जनामा क्षयकुष्टको समस्या पाइएको थियो । २० महिनाभन्दा बढी औषधी खाने विरामीलाई सरकारले मासिक १ हजार ५ सय रुपैयाँका दरले पपोषण भत्ता वितरण गर्दै आएको छ । कार्यक्रममा फोकल पर्सन कपिलदेव झाले स्वागत मन्तव्य व्यक्त गर्नुभयो । सन् २०५० सम्ममा मुलुकलाई क्षयरोग मुक्त बनाउने परिकल्पना, उद्देश्यहरु र मुलभूत लक्ष्यहरुका बारेमा कार्यक्रमका सहभागीहरुलाई जानकारी गराइएको थियो । 
संविधान निर्माणका सवालमा नागरिक 
हेटौडा । पहिलो संविधान सभाबाट संविधान जारी नभई संविधानसभा नै विगठन भएपछि दोस्रो संविधानसभामा पनि दलहरु प्रक्रिया र सहमतिबाट संविधान जारी गर्ने विवादमा अल्झिरहेका बेला हेटौंडामा संविधान निर्माणका सवालमा नागरिक सचेतना र संवाद कार्यक्रम भएको छ । संविधान सूचना केन्द्रको आयोजनामा कार्यक्रम सञ्चालन भएको हो । कार्यक्रममा अधिवक्ताहरु सुरेन्द्र महतो, विनिता कार्की र खुसी थारुले संविधानका विवादित विषयमा जानकारी गराएउनुभएको थियो । अधिवक्ताहरुले विवादका विषयहरु राज्यको शासकीय स्वरुप, निर्वाचन प्रणाली, न्याय र संघीयताका विषयमा जानकारी गराउँदै फरक–फरक विधि अपनाउँदा हुँनसक्ने फाईदा र बेफाईदाका विषयमा जानकारी गराएका थिए । कार्यक्रममा एकीकृत माओवादीका प्रेमबहादुर पुलामी, महिलाको तर्फबाट लक्ष्मी माझी, विद्यार्थी मीना अर्याल, अधिवक्ताहरु अज्मीर केसी, शुसीलकुमार पोखरेल, अप्सरा बस्नेत लगायतले विषयवस्तुमाथि आफ्नो टिप्पणी प्रस्तुत गर्नुभयो । वक्ताहरुले समानुपातिक निर्वाचन प्रणाली अबलम्बन गरी पहुँचविहीन नागरिकलाई पहुँचमा पु¥याउनु पर्ने, सहमतिमै संविधान जारी गर्न दवाव दिनुपर्ने, न्यायमा सर्वसाधारणको पहुँच बढाउन न्यायाधीशहरुले भूमिका खेल्नुपर्ने लगायतका धारणा राखेका थिए । संविधानका विवादित मुद्दामा नागरिकको धारणा स्पष्ट पारी संविधान निर्माणमा नागरिक समाजको तर्फबाट दवाव दिन कार्यक्रम आयोजना गरिएको आयोजकले जनाएको छ । 

चित्रकला कार्यशालाको मूल आयोजक समिति गठन  

हेटौडा । हेटौंडा उपमहानगरपालिका–२४ स्थित हर्नामाडी कला प्रतिष्ठानको आयोजनामा ४ दिने अन्तर्राष्ट्रिय चित्रकला कार्यशालाको तयारी तीव्र पारिएको छ । दुई बर्षअघि अन्तर्राष्ट्रिय मूर्तिकला कार्यशालाको आयोजना गरेको हर्नामाडीवासीले यसपटक अन्तर्राष्ट्रिय चित्रकला कार्यशालाको आयोजना गर्न लागेको हो । मूर्तिकला कार्यशाला भएकै स्थान गुम्बाडा“डामा चित्रकला कार्यशालाको आयोजना गरिन लागेको हो ।
चित्रकला कार्यशाला आयोजनाका लागि मकवानपुरका स्थानीय विकास अधिकारी (एलडीओ) भोजराज ढकालको संयोजकत्वमा आज सोमबार मूल आयोजक समिति गठन गरिएको छ । स्थानीय समुदाय, राजनीतिक दलका नेताको उपस्थितिमा स्थानीय विकास अधिकारीको संयोजकत्वमा मूल आयोजक समिति गठन गरी राजनीतिक दलका प्रतिनिधी, सरोकारवाला निकाय समेतको सहभागितामा समितिको विस्तार गरिने हर्नामाडी कला प्रतिष्ठानका अध्यक्ष हर्क रम्तेलले जानकारी दिनुभयो । स्थानीय विकास अधिकारीको प्रमुख आतिथ्य एवम् राजनीतिक दलका नेताहरुको उपस्थितिमा भएको भेलाले मूल आयोजक समिति गठन गरेको हो । करिब १५ लाख रुपैया“ लागत अनुमान गरिएको कार्यशालामा स्वदेशी २० र विदेशी ५ कलाकारको सहभागिता रहने हर्नामाडी कला प्रतिष्ठानका परिकल्पनाकार डा. तारालाल श्रेष्ठले जानकारी दिनुभयो । चैत २८ गतेदेखि बैशाख १ गतेसम्म हुने कार्यशालाले राष्ट्रिय तथा अन्तर्राष्ट्रियस्तरका कलाकारले तयार पार्ने चित्रहरुले गुम्बाडा“डालाई थप पर्यटकीय आकर्षणको केन्द्र बनाउने आयोजक हर्नामाडी कला प्रतिष्ठानको विश्वास छ ।
सहजकर्तालाई तालिम
हेटौडा । दुई सामुदायिक अध्ययन केन्द्रको स्थानीय योजनामा कोगटे, इपा र भीमफेदीका साक्षरोत्तर शिक्षाका सहजकर्ताहरुका लागि पाँचदिने क्षमता विकास तालिम मंगलबार सुरु भएको छ । इपास्थित जागृति र पञ्चकन्या सामुदायिक अध्ययन केन्द्रले जिल्ला शिक्षा कार्यालय मकवानपुरको आयोजनामा सुरु गरेको तालिम उद्घाटन कार्यक्रममा स्रोत व्यक्ति किरण आचार्य , जागृति र पञ्चकन्या सामुदायिक अध्ययन केन्द्रका अध्यक्ष क्रमशः रीता आलेमगर र रञ्जनकुमार कठायत, विद्यालय निरीक्षक रामहरि थापा, महेन्द्र मावि भीमफेदी प्रअ रामजी यादब, राजकुमार श्रेष्ठ र रामप्रकाश सि ंहलगायतले तालिमको महत्वबारे प्रकाश पारेका थिए । तालिममा २० महिला सहभागी छन् । द्द जयगचक बनय ड्ड क्भलत ाचयm ध्भद क्गदबकज द्यष्मबचष् हेटौंडा, १० चैत÷ भलिबलका लागि सक्षम रेफ्री उत्पादन गर्ने उद्देश्यले हेटौंडामा क्षेत्रीयस्तरको रेफ्री प्र शिक्षण हुने भएको छ । नेपाल भलिबल संघको स्वीकृति एवम् मकवानपुर जिल्ला भलिबल संघको आयोजनामा चैत १६ गतेदेखि ६ दिन हेटौंडामा क्षेत्रीय रेफ्री तालिम हुने भएको हो । जिल्ला स्तरको प्रतियोगितामा भाग लिएका १८ वर्षमाथिका करि ब ५० रेफ्रीको तालिममा सहभागिता हुने जिल्ला भलिबल स ंघ सचिव बसन्तकुमार सिटौलाले बताए । हेटौंडा सिटी कलेजको मैदानमा विहान ८ बजेदेखि अपर ान्ह ५ बजेसम्म सञ्चालन हुने सैद्धान्तिक र प्रयोगात्मकरु पमा चल्ने सचिव सिटौलाले बताए । तालिम सः शुल्क आयोजना गरिएको हो । प्रशिक्षार्थीले तालिम शुल्क तीनहजार पाँचसय रुपियाँ र खाना तथा बाँसका लागि थप