Friday, August 19, 2016



वाइसिएलद्वारा विद्युत प्राधिकरणलाई ज्ञापनपत्र 
माग थेक्न गाह्रो : प्राधिकण 



हेटौडा, ३ भदौ
लोडसेडिङको तालिका बाहेक पटक–पटक विद्युत कटौती भइरहँदा सर्वसाधरणको विद्युतीय सामग्रीको क्षति हुनुको साथै नियमित काम गर्नेहरुको निम्ति निकै कष्ट भएको भन्दै योङ कम्युनिष्ट लिग नेपाल (वाइसिएल) मकवानपुरले आज विद्युत प्राधिकरणमा ज्ञापन पत्र बुझाएको छ । 
जिल्लालाई लोडसेडिङ मुक्त जिल्ला घोषणा गर्दै मकवानपुरबासीले लोडसेडिङको मार खेप्न बाध्य नपारियोस भन्दै वाइसियल नेपाल जिल्ला समिति मकवानपुरले नागरिकको घरमा भएको क्षतिप्रति आफ्नो गम्भीर ध्यानाकर्षण भएको विज्ञप्ति मार्फत बताएको छ । जिल्ला संयोजक जिवन गोलेको नेतृत्वमा गएको टोलीले इन्जिनियर अविनास महतलाई ज्ञापनपत्र बुझाएको थियो । ज्ञापनपत्र बुझाइसकेपछि टोलीलाई जवाफ दिने क्रममा  भुटनदेवी स्थित विद्युत प्राधिकरणका सुपरभाइजर नारायणप्रसाद काफ्ले लाइन मर्मत गर्ने कर्मचारीको अभाव भएको जानकारी दिए । प्राधिकरणको व्यवस्थापनमा सुधार ल्याउनुपर्ने उनको भनाई थियो । त्यसैगरी इन्जिनियर अविनास महतले ज्ञापन पत्र बुझ्दै ट्रान्सफर्महरु पुरानो भएको कारण पटक पटक मर्मत गरेर चलाउनुपर्ने बाध्यता रहेको बताए । बजार क्षेत्रलाई छुट्टै फिडर बनाउन सबैतिरबाट दबाब सिर्जना गर्नुपर्ने भन्दै उनले पुरानो तरिकाबाट मात्र अहिलेको विद्युत माग थेक्न नसक्ने जानकारी दिए । 


No comments:

Post a Comment